ماهي بطاقات الائتمان وماهي بطاقة الفيزا للانترنت ؟ وهل بطاقات الكريدت كارد آمنه في التعامل معها ؟ كلها اسئلة تدور في بال من يفتح حسابا بنكيا لاول مرة ويحصل علي بطاقة ائتمان ، او من يتعامل مع الانترنت والتسوق الالكتروني من خلال بطاقات الدفع المسبق ، وفي هذا الموضوع علي موقع خمس خطوات سوف نستعرض معكم اهم الفروق الاساسية بين بطاقات الائتمان وماهي افضلها لاستخدامها الشخصي وعلي شبكة الانترنت فتابعونا علي 5khtawat.com ….
اولا ماهو الفرق بين فيزا وماستر كارد
شركة فيزا او visa card وشركة ماستر كارد او MasterCard ، هما شركتان امريكيتان المنشأ ، تتعاملات في مجال تنظيم عمليات الدفع الالكتروني وعمليات الشراء والدفع من خلال شبكات الاموال الالكترونية ، وشركة فيزا او ماستر كارد لا تقومان بتقديم كارد او بطاقة الائتمان نفسها انما يقوم البنك بالتعاون مع احدي هاتين الشركتين او كلتهما في تنظيم عمليات السحب والتحويل علي الكارد الذي يقوم البنك بتقديمه لك ، فمثلا تستطيع صرف المرتب الشهري من خلال كارد ماستر كارد عبر ماكينة ATM او Automated Teller Machine ، او شراء والتعامل المادي من خلال كادر Visa وهو الاشهر في مصر بجانب ماستر كارد ، اما بالنسبة للبنوك الالكترونية فعادة تقبل جميع البنوك كافة بطاقات الائتمان بكافة انواعها ، فيما عدا مثلا بنك باي بال PayPal والذي يطلب من المصريين ان تكون بطاقة الائتمان لتفعيل الحساب هي بطاقة فيزا ، ربما يتم تعديل ذلك في الوقت القريب ليقبل كافة البطاقات الائتمانية.
بطاقات الخصم الفوري Debit Card
ومن خلال بطاقات الخصم او السحب الفوري والتي يقدمها البنك الذي تتعامل معه بالتعاون مع شركة فيزا او ماستر كارد كما ذكرنا ، فان بطاقة debit card او السحب الفوري تكون مرتبطة بحسابك الشخصي سواء حساب توفير أو أى حساب جار مملوك لك في البنك ، وبالتالي تستطيع سحب الاموال الموجود في حسابك من خلال بطاقة السحب الفوري ، وتعد هذه الطريقة هي الافضل في التعامل حيث لا يمكن سحب اموال اكثر مما هو موجود في حسابك ، ولا يكون عليك دين للبنك او فائدة في حالة التاخر في السداد ، فمن خلال debit card انت تتعامل علي ما هو موجود فعليا في حسابك ، عكس بطاقة الدين او credit card وهي ما سوف نستعرضه معكم في خمس خطوات في النقطة التالية.
بطاقات Credit Card او بطاقات الدين
بطاقات الائتمان وهي ربما تكون اكثر استخداما في امريكا واوروبا عنها في الدول العربية ، بسبب انك عندما تقوم بصرف او استعمال اموال بطاقة credit card فانت تصرف دين عليك للبنك وعند التأخير في سداد الاموال فسوف تسدد فائدة تحسب بواسطة البنك وعادة تستخدم للتسوق من المحلات والمراكز التجارية أو للتسوق عبر الإنترنت، وفي مصر مثلا يمكنك سداد الدين خلال 45 يوم دون فائدة اما في حالة الزيادة عن ذلك يتم حساب فوائد علي الدين وتتراكم الفوائد ، ولذلك فهي فبطاقة الدين او الكريدت كارد في رأيي ورأي كثيرين ليست محببه و غير آمنه خاصة لمن يتعامل بكثرة ويصرف اموال للشراء وغير فربما لا يستطيع سداد الدين وبالتالي تتراكم الديون وتحدث المشاكل.
بطاقات الانترنت الائتمانية
عادة يمكنك استخدام الانواع السابقة من بطاقات الائتمان علي الانترنت كما اوضحنا علي موقع خمس خطوات ، وفي نفس الوقت تخصص بعض البنوك في مصر وعدد من الدول العربية بطاقة ائتمانية خاصة بالتعامل علي الانترنت فقط وهي تكون بطاقات مسبقة الدفع بحيث يتم شحنها برصيد وتستعمل في عمليات البيع والشراء سواء في المحلات و التعاملات المالية او كما تخصصها بعض البنوك للتعامل علي الانترنت فقط ، فمثلا بنك مصر وبنك قطر يصدران بطاقة الانترنت بحيث تقوم بدفع مبلغ مالي معين تشحن به البطاقة ولا تصرف ما يزيد او يقل عن ما دفعته ، وبطاقة الانترنت افضل لمن يتعامل ويقوم بالشراء من مواقع التسوق الالكتروني ويخشي سرقة او ضياع البطاقة الائتمانية.
اخيرا نصائح موقع خمس خطوات عند التسوق الالكتروني والتعامل ببطاقات الائتمان او التعامل مع البنوك الالكترونية او عمليات شراء وبيع على الانترنت…
– في حالة احتفاظك ببطاقة الائتمان يوميا معك حاول ان تخفي الرقم السري بعيدا علي البطاقة حتي لا تسهل عملية سرقة حسابك في حال ضياعها لا قدر الله.
– راجع حسابك او حساباتك دوريا سواء الكترونيا او مع خدمة عملاء البنك التابع له حتي لو مرة في الاسبوع تليفونيا حتي تتأكد انه لا يوجد خطأ او مشاكل.
– تأكد من ان ماكينة ATM تعمل قبل ادخال كارد الفيزا او الماستر كارد ، وتأكد من وجود أمن في المكان والمنطقة المحيطة في حالة الحاجة.
عند التعامل والشراء الكترونيا اتبع النصائح التالية والتي كنا ذكرنا معكم في خمس خطوات عن موضوع البنك الالكترونية :- تأكد من ان الكمبيوتر او التابلت او الموبايل الذى تستخدمه مأمن ببرنامج مكافحة فيروسات وخالى من اى برامج تجسس او فيروسات قد تسرق معلوماتك البنكية و تستولى على مالك
– لا تتعامل مع مواقع غير مشهورة وغير معروفة المنشأ حيث يفضل ان تعرف ماهى بلد الموقع فى حالة وجود خلاف او مشكلة تستطيع اللجوء الى الشرطة والقضاء فى هذا البلد
– تاكد من رابط الصفحة التى سوف تقوم بعملية مالية عليها يبدا ب https وليس فقط http حيث ان حرف ال s يرمز الى secured ويعنى ان الصحفة والاتصال مأمنان وتستطيع القيام بعملياتك المالية والتحويلات عليه بأمان.
– لا تقوم بشراء منتجات من مواقع لا تضمن ارجاع المنتج ويفضل اختيار وسيلة الدفع عند الاستلام بدلا من الدفع بكرديت كارد او غيرة من التعاملات البنكية على الانترنت.
– احذر من الصحفات المزورة للفيسبوك وباقى المواقع عليك التاكد من كلمات وحروف الرابط وان يكون هو الموقع الذى تريد التعامل عليه وليس صحفة مزورة مثال لذلك مثل موقعنا خمس خطوات اذ قد يحول الهاكر خداع زوارنا علي الفيس بوك بصفحة مزورة مثل faceeeebok.com/5khtawat ، بدلا من الصحفة الاصلية لخمس خطوات وهي facebook.com/5khtawat ، لذلك علينا الحذر والتعامل عامة مع بطاقات الائتمان و الانترنت يأتي بالتأني والحرص ، ومع الوقت سوف تكتسب الخبرة للتمييز بين المواقع السليمة والمواقع النصابة.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
او انا عايز اعمل تحويل من بنك لبنك اخر هيبقى فى رسوم كام مع العلم انا معايا بطاقه atm وهل سحب المبلغ وايداعه احسن فى الحساب ولو شهاده استثمار احسن او حساب الادخار احسن ارجو الافاده
الرسوم بتختلف من بنك لاخر مش قيمة ثابتة لكن بتبقي في حدود 1- 3 % من المبلغ
لو انت محتاج المبلغ كاش تقدر تصرفه اي وقت يبقي اعمل حساب توفير نسبة الفائدة في السنة حاليا 11.5 % ، اما لو مش محتاج المبلغ وهتقدر تسيبه البنك ممكن تعمل شهادة استثمار 3 سنين بفائدة 15.25 % في السنة بس في شهادات الاستثمار مش بتقدر تتصرف في مبلغ الشهادة نفسه الا بعد انتهاء مدتها او تفكها بعد 3 شهور من شرائها
لو سمحت انا عامل شهاده استثمار وكل شهر باخد فويد من الفيزا 700ج فوت كام شهر ورحت اسحب الفوايد لقتها كتير اوى حسبت تقريبالقيت كل شهر تقريبا 2000 وانا الفلوس بتاعتى بتجيب فوابد 700ج عايز افهم جت ازاى
حاول تتصل بخدمة العملاء او الافضل تروح البنك هم اللي هيقلوا المفيد بالضبط ،، لان فيه كذا احتمال مثلا المدة اللي فوتها كبيرة قبل شهر 7 اللي فات وانت عامل حساب توفير ؟ لو كدا ممكن البنك اضاف فوائد المبلغ اللى في حساب التوفير ، او ممكن الشهادة قديمة بفائدة قليلة 9.5 أو 10% وانتهت مدتها والبنك جددها تلقائيا على الفائدة الجديدة
هل أستطيع وضع بطاقة الانترنت في الباي بال ؟؟
اه ممكن تفعيل باي بال والشراء بها
لكن معظم بطاقات الانترنت لا يمكن السحب من باي بال اليها
بالنسبة لتطبيق اتصالات لشحن الهاتف من خلال الفيزا هل استخدامه امن
لو قصدك تطبيق My Etisalat اه هو آمن ، بس بشكل عام لا يفضل استخدام الفيزا علي الموبايل الا بعد تنزيل تطبيق انتي فيرس وتعمل فحص عام للموبايل
لو سمحت ممكن تنصحني بافضل فيزا في مصر
زي ما وضحنا في الموضوع افضل فيزا بتحدد حسب استخدامك واحتياجاتك
عامة من ناحية البنوك الحكومية الافضل هو البنك الاهلي ، و البنوك الاجنبية بنك CIB و بنك كريدي اجريكول
عاوزه اعمل فيزا مع شهاده استثمار ينفع يعني عاوزه اعمل فيزا ويكون ليها فوايد
ايه أقل مبلغ ممكن اعمل بيه فيدا
لو قصدك فيزا مرتبطة بحساب في البنك وتصرفي من ماكينات الصرف اقل مبلغ لها هو 1000 جنيه في البنك الاهلي او بنك مصر و بيكون فيه مصاريف للحساب في حدود 120 جنيه سنويا
اي هيا رسوم فتح الكرديت واي الورق المطلوب
ولازم افتحها ب الف جنيه ولا 500
حسب كل بنك بالنسبة للبطاقات الانترنت او الخصم المباشر بتبقي ارخص من الكرديت كارد وبتكون في حدود 1000 جنيه
اما بطاقات الكريديت كارت فمعظم البنوك بتطلب فتح حساب في البنك و ايداع مبلغ في حدود 5 الاف جنيه او عمل وديعة
لدى بطاقة اصرف بها المرتب من ماكينات الصراف الالى هل يمكن استخدامها لدفع الفواتير عبر الانترنت؟
غالبا اه ممكن بس لازم تاكد مع البنك لان بعض البنوك بتكون مش مفعلة استخدام بطاقات الخصم او المرتبات علي النت
هل يمكن استقبال واستلام الأموال من بطاقة الإنترنت الائتمانية مسبقة الدفع عندما تدفع شركات استثمار اليها بشكل مباشر؟
اه ممكن استلام علي بطاقة الائتمان ، بس راجع مع البنك المصدر للبطاقة لان بعض البنوك بتكون قافلة الخاصية دي علي بطاقتها او بتصرف فقط بالعملة المحلية
يصير اطلب من النت ب ديبت كارد
بشكل عام اه ممكن
لكن برضو تأكدي من البنك مصدر الكارد لانه بعض البنوك بتصدر ديبت كارد خاص لماكينات الصرف فقط
في البنك العربي الافريقي
ممكن اشتري من موقع origin ببطاقة 4U للإنترنت ؟
اه ممكن استخدامها في الشراء من علي النت عادي بس خلي بالك ان الحد الاقصي الشهري ليها ما يساوي 1900 جنيه
في البنك الاهلي المصري
ايه الفرق بين بطاقه الدفع المسبق و بطاقه الشباب
عمليا مفيش فرق بين الاتنين مجرد فرق في التسمية علشان يجذبوا فئه الشباب ليها ، لكن في النهاية هم نفس النوع مسبق الدفع بيتم ايداع الاموال فيها واستخدامها في الشراء سواء من المحلات او من النت
عندي فيزا من ليبيا وانا ف مصر .وضروري سحب البلغ قبل نهايه العام … والحد الاقصي 3 الالف دينار مصري …والمبلغ الموجود ف الفيزا 5 الاف دولار …كيف يمكن السحب ؟؟هل يوجد شركه تقدر تطلع المبلغ علي دفعتين مثلا .
لو الفيزا نفسها لها حد اقصي للسحب في الشهر مش هينفع تخطيه ، لكن غير كدا ممكن السحب علي اكثر من يوم
وعامة راجعي البنك المصدر للفيزا علي حسب الحد الاقصي اللي وضعه ، لان حتي لو شركة هتبقي برضو مرتبطة بالحد الاقصي للسحب من الفيزا
السلام عليكم لو سمحت عندي فيزا ائتمان كلاسكيه وفيها ١٥٠٠ ولما جيت اشتري حاجات قلي حدث خطا يبقي ايه ده
وعليكم السلام ورحمه الله وبركاته
ممكن يكون اكتر من سبب سواء خطا من الموقع او بيانات الفيزا ، او مبلغ الشراء + العمولة اكبر من المبلغ المسموح لك ، عامة اتصل بخدمة العملاء في البنك بيكون ظاهر عنده تفاصيل اخر عملية وهيقولك سبب الخطا بالضبط
لو سمحت ممكن تقولى ازاى اقدر أأمن بيانات الفيزا بتاعتى عند استخدامها ف التسوق الالكترونى .. يعنى مثلا مفيش رسالة تاكيد بتيجى ع الموبايل التابع للفيزا لاتمام عملية الشراء !؟ ومن غير الكود او الرسالة دى العملية متكملش ؟
هتلاقي هنـــــــــــا بالتفصيل نصائح الامان عن الشراء اونلاين
المهم ان الموقع نفسه يكون معروف ويظهرلك https في بداية لينك الشراء ، و ان جهاز الكمبيوتر يكون عليه انتي فيروس ، و متحفظش بيانات الفيزا علي المتصفح او الموقع
لا مفيش رسالة تاكيد الا في حالة لو المبلغ كبير او مختلف عن التعاملات السابقة ممكن البنك بيوقف العملية
اما بالنسبة لرسالة السحب او بيانات عملية الشراء نفسها تبقي حسب كل بنك ونوع الفيزا
سوا لي هو أنا سافرت روسيا الكارت حسب معايا 7$بس ومش رادي يسحب أي فلوس تاني وبيقول انو ده الحد المسموح .وكمان بحاول أحجز تذكر طيران العودة بردو مش شغال .بس هو شغال معايا كويس اوي في الماركت يعني اشتري بيه أي حاجه من الماركت المشتريات شغال .غير كده لا نوع الكارت deibt card
حاول تراجع مع خدمة عملا في البنك اللي اصدر الكارت لان البنوك كانت وضعت حد اقصي للسحب بالدولار خارج مصر سواء كريديت او ديبت ، و فيه بنوك وقفتها خالص
سؤالي هو : هل الأموال الممنوحة للعملاء عن طريق كروت الأئتمان ( فيزا أو ماستر ) هي أموال مقرضة للبنك بواسطة أحدى الشركتين ؟ أم هى أموال البنك الذى يمنحها لعملائه تحت شعار أحدى الشركتين ؟؟؟؟؟
لا الاموال بتبقي بتاعه البنك ومثلا في حالة استخدام عملة اخري غير عملة البلد بيتم التسوية علي اساس سعر الدولار ، علشان كدا مؤخرا كتير من البنوك في مصر رفعت نسبتها علي عمليات الشراء بالفيزا بعد تعويم الجنيه
اما الشركتين سواء فيزا او ماستر كل مهمتهم في الدنيا هو التنظيم والتأمين سواء بين البنوك وبعضها او بين البنوك و التجار او المحلات او المواقع
يا اخي ارجو الرد ضروري
هل يمكن ان أقوم بتفعيل حسابي في paypal عن طريق فيزا انترنت بنك مصر؟؟
اسف علي التاخير في الرد
اه ممكن تفعيل حساب الباي بال باستخدام فيزا النت من بنك مصر و بتتصل بخدمة العملا تعرف الرقم او تستني الايميل بتاع كل شهر ، بس خلي بالك مش بيقبل يسحب من الباي بالي للفيزا لانها مخصصة للنت بس
لو سمحت انا عندي حساب بفائدة كل شهر في البنك (وليس حساب جاري) اي علي هيئة شهادات وعندي بطاقة debit card هل يمكنني استخدامها في شراء ما اريد ؟؟ وهل سيتم خصمه من الفائدة ام من المبلغ الرئيسي؟؟ وشكرا
كنت فاكر الفيزا للشراء اونلاين روحت عملت فيزا انهارده
وان شاء الله هكون متابع مع حضرتك 🙂
مش فاهمك يعني اللي معاك قبل كدا مشتغلتش علي النت ؟ مانا قلتلك اكد مع خدمة العملا انها شغاله علي النت ولا لا عموما ان شاء الله خير واهلا بيك في اي استفسار :))
بجد ربنا يكرمك انك متأخرتش ورديت
تمام كدا وضحت جدا
انا هعمل الاوردر ان شاء الله انهارده
الخوف تتعرض بياناتها للسرقه
انا عملت ويندوز جديد وسكان بالافيرا وبردو لسه مقلق
العفو وربنا يوفقك ، طلما انت مامن من ناحيتك و الموقع نفسه بيبقي امان ومشفر بيانات الفيزا ، و ممكن تطمن علي حسابك كل فترة بالتليفون من خدمة العملاء بيبقي ظاهر عندهم عمليات السحب و ميعادها واسم الموقع
شكرا جزيلا
العفو وشكرا لمشاركتك معانا
اولا الف الف الف شكر على ردك السريع
ثانيا انا دخلت للبيدج بتاعتهم على الفيس
والحد الاقصى كان 15 الف بقى 3 الاف من كام يوم
بما يعادل 330 دولار تقريبا
بس للأمان اربطها ب بايبال ولا ايه رأيك؟
واعرف ازاى شركة الشحن ال هتشحنهالى
واتابعها ازاى وهل ينفع اوكل شركه تستلمها من الجمرك وتجيبهالى؟
العفو واهلا بيك ديما
هو في موضوع الشراء علي النت باي بال مش لازم كل اللي هيحصل انه هيبقي وسيط هيسحب من الفيزا و يدفع في ال ebay وهياخد عموله علي المبلغ، فبدل كدا انت تشتري مباشرة بالفيزا ، الا في حالة لو ebay رفض الفيزا
بعد اتمام عملية الشراء بيكون موضح شركة الشحن ايه هي غالبا بتبقي upsp هو حسب ما يكون المرسل محدد قبل كدا ، و بعد اتمام عمليه الشراء بيظهرلك tracking number بحيث تتبع الشحنة لحد ما توصل الجمارك
اخر نقطة دي بتاعة توكيل شركة مش عارف هل بيتعاملوا مع افراد ام لا ، لكن زي ما قلتلك فيه مواقع مصرية هي اللي بتقوم بالعملية كلها وتسلمك الحاجة مباشرة
سلام عليكم
انا عايز اشترى من ebay
دلوقتى انا عامل اكونت على paypal
ومعايا فيزا بنك مصر
اربطهم ببعض وبكدا ينفع اشترى بـ بايبال علاطول من اى باى؟؟
ولو اشتريت ب 85 دولار هيكلفنى كام عشان البنك يحولهم دولار
واتابع الاوردر ازاى ووصل هنا ولا لا واستلمه منين
معلش عارف انه سؤال طويل
وعليكم السلام ورحمه الله وبركاته
انت ممكن تشتري بالفيزا مباشرة من ال ebay من غير ما تحتاج paypal
بس اتاكد الاول من خدمة العملاء ان الفيزا شغاله علي النت ، لانه مؤخرا البنك وضع حد اقصي لاستخدام بطاقات الفيزا والماستر و وقف استخدام عدد كبير منها خارج مصر
وحسب نوع الفيزا بيبقي فيه نسبة علي السحب حوالي 5 % من المبلغ و التحويل من الدولار للجنيه يعني المبلغ كله هيكون في حدود 850 جنيه
متابعة الاوردر بتبقي حسب شركة الشحن اللي هيتم الارسال منها و بيتم الاستلام من الجمارك او من شركة الشحن
وبالمناسبة فيه خدمة زي Borderlinx او Edfa3ly او yashry دول مواقع مصرية علي النت بيقوموا بالليلة كلها انت تدفعلهم وهم يخلصوا الحاجة اللي عايز تشتريها ويوصلوهالك
لو سمحت انا عملت فيزا عل بنك مصر ممكن اسحب بيها فلوس من دبى ولا فى مشكله اوضرر
بنك مصر حاليا اوقف جميع البطاقات خارج مصر ، الا في حالات معينة مثل العلاج فممكن تراجع مع خدمة العملاء
السلام عليكم
دلوقتي في بعض من الناس بدات تستعمل بطايق الائتمان في تجارة العمله.مثلا يودع ١٠ الاف مصري ويسحبهم دراهم اوريالات ويحولهم دولارات ويبعتهم علي مصر
وعليكم السلام ورحمه الله وبركاته
اه فعلا الموضوع كان منتشر خلال الشهور اللي فاتت وناس عملت منها ملايين سواء في كروت الخصم المباشر او كروت الائتمان حسب كلام البنك المركزي اللعبة دي خسرت البنوك 300 مليون دولا السنادي بس
علشان كدا حاليا معظم البنوك بقت تعمل حد اقصي للسحب ما بين 100 – 200 دولار في الشهر حتي لو حسابه يسمح ، ومثلا بنك مصر منع استخدام الكروت برا مصر ، مفيش غير البنوك الاجنبية و لازم يكون عنده حساب عليه تعاملات او حساب بالدولار
تمام
السلام عليكم انا معايا ديبت كارد فيزا من بنك مصر _ الاهلي-القاهرة وجميع الحسابات حسابات توفير ممكن اسحب من atm خارج مصر الامارات مثلا
وعليكم السلام ورحمه الله وبركاته ، علي حسب اخر تحديث كل البنوك وضعت حد اقصي للسحب من كروت الخصم المباشر و الديبيت كارد في حدود 100 دولار شهريا ، حتي لو الحساب فيه رصيد يسمح ، عموما راجع مع البنك خصوصا البنك الاهلي لانه هيبقي اعلي في المبلغ المتاح
سلام .
من فضلك انا عايشه بامريكا وبدي طلع كردت كارد من باي بال بس خايفه ايه رايك فيها.
اهلا بيكي
بالنسبة لباي باي انتي بتحتاجي حساب بنكي او كردت كارد موجود بالفعل ، لعمل حساب باي بال ، بالنسبة للامان هو مثل اي بنك الكتروني يجب الحرص في التعامل و التاكد من وجود انتي فايرس علي الجهاز و عدم حفظ البيانات علي المتصفح بعد الانتهاء من عملية الشراء
من فضلك انا عايز احجز اوتيل فى الخارج من برنامج bookingوعملت ماستر كارد عاديه فى بنك الامارات debtفهل يمكننى ان استعملها فى الحجز الدولى ام لا وشكرا
راجع مع البنك نفسه ، لان الشهرين اللي معظم البنوك الخاصة في مصر وقفت التعامل ب بطاقات الائتمان علي الانترنت ، لكن بعد عيد الاضحي ابتدت بعض البنوك تخفف القيوض و تسمح باستخدام البطاقة لكن بحد اقصي
لو سمحت اية البنوك الاسلامية في مصر الي بتصدر visa debit card او master debit card
بنك البركة و مصرف ابو ظبي الاسلامي بيصدرو بطاقات دفع
وكان بنك مصر بيصدر البطاقة الائتمانية الأسلامية “كنانة” بس مش عارف لسه شغاله حاليا ام لا لانهم اوقفوا عدد من البطاقات مؤخرا
سلام عليكم انا عندي فيزا بنك مصر الذهبية هل ممكن اذا خلصت رصيدها في عمليات الشراء اعمل ايداع واشتري تاني مع العلم اني شريت ب ١٥ الف
وعليكم السلام ورحمه الله وبركاته
لو وصلت للحد الاقصي الشهري لازم تستني للشهر اللي جي
علي حسب ما اتذكر فيزا الذهبية الحد الاقصي الشهري للمشتريات 20 الف بس اكد مع البنك مرة تانية لان بعد عيد الاضحي معظم البنوك خفضت الحد الاقصي
لو سمحت انا عملت فيزا ف البنك الاهلي المصري اسمها الخصم المباشر بس معرفش بصراحه هي ديبت ولا كريدت اعرف ازاي؟ ثانيا اشتريت من محلات كتيره الفتره االلي فاتت وبروح اش ف الرصيد بعد الشري الاقي ساعات متخصمش حاجه معرفش ازاي ? هل دي مشكله من البنك ولا هما بيعملو خصومات ولا ايه
بطاقة الخصم المباشر هي ديبت وبتكون مرتبطه بحساب وبيتم الخصم منه عند استخدامها ، هل الشراء اكثر من يوم ولا يوم واحد واستعلمتي بعدها مباشرة ؟ اصل ساعات الاستخدام او الخصم بيسمع في السيستم اليوم التالي او تاني يوم من الشراء بس ممكن من خلال خدمة عملاء الاهلي علي التليفون تراجعي معاه بيكون ظاهر قدامه عمليات الشراء والخصم
ومفروض اي عملية شراء او سحب منها بيتم ارسال رسالة علي الموبايل لو الخاصية دي مش متفعلة اتصلي بيهم يفعلوها
لو سمحت انا استلمت بطاقة فيزا من اخويا مقيم في دوله عربيه وفيها مبلغ بالدولار وعاوز اسحبهم دولار .. هل في امكانيه انى اسحبهم من اي ATM عادي بالدولار ولا بستلمهم من الماكينه بالعمله المصرية
لو في مصر مفيش ماكينات بتطلع دولار كله بالجنيه
لو سمحت ايه الفيزا بالجنيه المصري اللي ممكن احول منها بالعملات الاخري ويخصم قيمة العمله بالمصري من الفيزا
كل انواع الفيزا او الماستر كارد لو استخدمتها خارج مصر او علي النت بيتم التحويل من الجنيه للدولار والخصم من حساب الفيزا او لو كريديت كارت بيتم اضافته علي حساب المدين ، مع العلم ان البنوك حاليا وضعت حدود للاستخدام اليومي والشهري علي بطاقات الفيزا بشكل عام علشان ازمة الدولار
لو سمحت ماهو الحساب الي بيكون عليه فوائد
حسابات التوفير او حسابات الادخار كل بنك بيقي مسميها اسم يعني :)) ومتوسط الفائدة علي حسابات التوفير حاليا 7.5 % سنويا
ايه افضل فيزا احول بالنت فلوس خارج مصر
افضل فيزا هي المسبقة الدفع او الخصم المباشر بتكون مرتبطة بحسابك في البنك بحيث يتم السحب من الحساب وليس بمدين زي الكريديت كارد ، زي ما وضحنا ممكن تطلبها من البنك الاهلي او لو تفضل البنوك الخاصة البنك التجاري الدولي
انا كنت عايز اعمل فيزا سحب وإيداع بس مش عارف ايه أفضل فيزا وأفضل بنك وينفع لغيرها بعد كدا لو حبيت ينزلو القبض فيزا
بالنسبة للبنوك الحكومية البنك الاهلي بتفتح حساب وبتقدر تعمل “فيزا خصم مرتبطة بالحساب” وتستخدمها للسحب والايداع
البنوك الاجنبية او الخاصة احسن بنك حاليا هو البنك التجاري الدولي cib
اما بالنسبة لتحويل المرتب فممكن تحوله عادي لحسابك الشخصي في اي بنك طلما جهة العمل موافقة ، او تعمل فيزا منفصلة للمرتب
لو سمحت أنا بسأل عن بطاقة أقدر استقبل عليها أرباح من مواقع على الانترنت زي freelancer و يكون بالدولار , لكن مش عارفة أبدأ منين ولا افضل نوع ايه من البطاقات اللي حضرتك قولتهم … و لما روحت البنك الأهلي أسأل الرد كان ان علشان افتح حساب بالدولار لازم يكون في وظيفة فى البطاقة دا اولاً و النوع المناسب هو ال debit card … بس معنديش حساب تاني يضمنه ولازم افتح حساب تاني علشان أعمل الديبت كارد! … بس فلو ممكن توضيح ايه الطريقة المناسبة و افضل بنك اتعامل معاه ايه في مصر؟
هو للاسف البنوك حاليا بقت تشترط علشان فتح الحساب لازم يكون فيه وظيفة في البطاقة
عامة زي ما وضحنا افضل واامن بطاقة تبقي من نوع debit card مرتبطة بالحساب علشان ميبقاش فيه دين وفائدة ، افضل البنوك هو البنك الاهلي و بالنسبة للبنوك الاجنبية هو البنك التجاري الدولي CIB او بنك قطر الوطني QNB بس برضو هيطلبو شرط البطاقة
اما اسهل بطاقة من غير حسابات او غيره في مصر هي فيزا البريد المصرى YOUTH CARD او family card visa دي بتعمليها بالبطاقة في نفس اليوم وبتفعل الباي باي عادي بس عيبها انها هتخلص في شهر 12 وان الفلوس هتتحول بالجنيه المصري
فيه حل اخر لو المبلغ هيتحول لحساب علي باي باي او غيره من البنوك الالكترونية ممكن تستلميهم بالدولار عن طريق وسيط وهتلاق وسطاء معتمدين كتير في موقع traidnt
من فضلك انا فى دبى الفيزا بتاعتى كريدت كارت وفعلتها دولى ومش عايزة تسحب هنا ايه السبب مع العلم انها مبعوته بالبريد السريع وكان لازم اوقفها لحد ماتوصل وبعد ماوصلت رجعت شغلتها تانى وبقالى 10 ساعات بحاول اسحب ومافيش سحب
معلش مش هقدر اساعدك اوي لان ممكن يكون اكتر من سبب لتعليق البطاقة من البنك او ممكن يكون علشان يوم الاحد مش من ضمن ايام العمل فالنظام لسه مستقبلش التفعيل
حاول تتواصل مع البنك او مصدر البطاقة بحيث تعرف السبب ايه و ان شاء الله تلاقي حل
من فضلك محتاج اعرف نوع بطاقه ماستر كارد اللى ممكن اتسوق بيها فى حاله عدم وجود رصيد موجود بها وشكرا
نوعها بيبقي credit card يعني رصيد مدين وبترجع تسدده للبنك بعد كدا ، وعامة في البنوك بيبقوا عاملين عروض بطاقة مشتريات من النوع دا
تم الاتصال بي لحصلي علي كارت مشتريات وعايزه افهم النظام
طب مقلتيش بنك ايه ؟
عامة هو بيبقي زي عرض من البنك و عدد من المحلات او الشركات بحيث يتم الشراء من خلال الكارت وتقسيط مبلغ او قيمة السلعة وممكن طبعا السحب منها كاش مباشرة
تقريبا زي نظام الكريدت كارد اللي وضحناه في الموضوع مش بننصح به الا عند الحاجة ، بسبب ان فيه فائدة ولو حصل تاخير في السداد بيزيد المبلغ
العفو واهلا بيك معانا اخي الكريم ، اه ممكن بس بتبقي حسب البنك الاكتروني والبنك مصدر الفيزا
بمعني مثلا بنك باي بال بيقبل تحويل الاموال علي كارد الفيزا او الحساب البنك ، لكن في نفس الوقت لازم البنك مصدر الفيزا يكون بيقبل استلام الاموال عليها او فيه حساب مرتبط بالفيزا ، لان بعض كروت الفيزا بتبقي للايداع والسحب فقط ولا تقبل التحويل الالكتروني فحاول قبل التحويل تتأكد من البنك مصدر الفيزا
من فضلك انا عايزة اشتري حاجات من الصين ايه نوع البطاقه اللي اتعومل بيها وايه افضل بنك استخرجها منه
افضل البطاقات زي ما وضحنا في الموضوع هي الفيزا مسبقة الدفع ، او بطاقات الخصم المباشر من الحساب
افضل بنك حكومي في مصر من حيث السرعة والاجراءات هو البنك الاهلي ، اما افضل بنك خاص لاستخراج الفيزا هو البنك التجاري الدولي
اخي انا من الجزائر لكن مااعرف كيف اخرج البطاقة البنكية او كيف اقبض الاموال مثلا انا عاملة قناة على اليوتيوب كيف اقبض المال وماهي اامن و احسن البطاقات الجزائرية .وشكرا
اهلا بيكي وباهل الجزائر ، احنا من مصر للاسف معنديش معلومة عن البنوك في الجزائر
لكن عامة بالنسبة للربح من قناة يوتيوب ممكن تحويل الاموال عن طريق ويستيرن يونيون دون الحاجة لحساب بنكي والقبض بيكون بالبطاقة الشخصية او الهوية
افضل البطاقات من حيث النوع في التعامل الامن هي المسبقة الدفع او الخصم المباشر زي ما وضحنا في الموضوع
شكرا جزيلا لك ربنا يوفقك على المعلومات الممتازة التي اعطيتنا اياها .. لكن سؤال هل يمكنني شراء التطبيقات من مايكروسوفت ستور او غيره عن طريق استخدام بطاقة ماستر كارد؟؟ ارجو الاجابة
العفو ربنا يخليك وشكرا لمشاركتك معانا
اه ممكن تضيف ماستر كارد عادي في طريقة الدفع في مايكروسوفت ستور هتلاقيها في “Add payment method”
تم خصم 4000جنيه مصري من حسابي التوفيري ببنك مصر ولا اعرف السبب فلماذا تم الخصم
الافضل التوجه بالسؤال للبنك مباشرة بحيث يكون بيانات الحساب والعمليات موجودة امام الموظف ، مش هتحصلي علي معلومة مفيدة هنا علي النت
انا كان معايا كرتcredit من بنك قطر عشان انا رابط شهادة بالفين جنية.ينفع اعمل إيداع علي كرت واستخدمة.ولا ماينفعش.
اه طلما الكارت مرتبط بحساب ممكن استخدامه في الايداع والسحب
انا عايز اعرف الاماكن الي ممكن اشتري منها ببطاقة المشترايات في محافظة الاسماعليه ولوعايز اشتري بنظام القسط اعمل ايه
في المحلات الكبيرة والمولات وشركات الاجهزة زي بي تيك مثلا ، هو مفيش قائمة معينة لكن عامة هتلاقي علامة فيزا او ماستر كارد في الاماكن اللي تسمح بالتعامل بالبطاقة
شكرا جزيلا على التوضيح ده
بس حضرتك اكلمت عن حساب توفير فايه الفرق بينه وبين حساب جاري او حساب استثمار
العفو واهلا بيك
حساب التوفير بتكون هناك فائدة علي المبلغ اللي في الحساب حاليا المتوسط بتاعها 6.5 % سنويا
اما الحساب الجاري بيكون الايداع مش عليه فائده مجرد ايداع وسحب عادي
الحساب الاستثماري هو منتشر اكتر في الخليج عن مصر وهو بيكون شبه مقارب لطريقة البورصة بس بشروط معينة حسب كل بنك يعني بتودع مبلغ معين في الحساب و البنك بيستثمر المبلغ سواء في مشروعات او بورصة واسهم ، وعادة بيكون فيه شرط انك تترك المبلغ لفترة معينة من الوقت مش هتقدر تسحبه مباشرة
يا سلام عليك يا اخي هي دي الناس الفاهمة والفهمتنا
شكراً استاذ وجيه !
العفو وشكرا ليك ويارب كله يبقي للفائدة وزيادة الخير للجميع باذن الله
بس انا مني اللي كتبت المرة دي مش وجيه :))
لو سمحت كنت عايزه اعمل بطاقه اسحب بيها كل شهر مبلغ هيتحولى بس انا معنديش حساب اعمل ايه
لازم عمل حساب ثم استخراج بطاقة مرتبطة بالحساب بحيث يتم التحويل عليه
او ممكن تحويل المبلغ عن طريق الحوالات البريدية او شركة ويستيرن يونيون
معايا هى تبع بنك مصر
ولما اتصلت بخدمة العملا قالى ان فيزا المرتبات تابعة لجهة واحدة بس هى اللى تقدر تحولى من غير حتى ما يتأكد اذا كان في حساب او لا
وعايزة اقولك ان معايا الورقة اللى فيها كود ورقم الحساب .. ف مش عارفة ايه اللغبطة دى
اه زي ما قلت حساب فيزا المرتبات بيبقي غير كامل الصلاحية والشركة او الجهة الحكومية هي اللي بتكون مسئولة عن الفيزا دي
عموما انتي شوفي اني الافضلك سواء عمل حساب في البنك او لو المبلغ لمرة واحدة يبقي عن طريق حوالة او شركة ويسترن يونيون
انا بردو معايا فيزا مرتبات. . هل اقدر اخليها حساب عادى ولا دا هيحتاج منى فتح حساب جديد من الاول؟
المشكلة ان الحد الادنى ٣٠٠ جنيه وانا اصلا هيتحولى مبلغ بسيط جدا فمش عارفة اعمل ايه
هو للاسف النظام في فيزا المرتبات كدا ، بجانب لو هيتم فتح حساب لازم بقي مصاريف و يسجلو توقيعك باقي البيانات مش هينفع مباشرة علشان احنا في مصر :))
لو المبلغ صغير او لمرة واحدة ممكن التحويل عن طريق عمل حوالة او عمل تحويل من خلال شركة ويسترن يونيون ليها فروع كتير في العالم وفي مصر
اذا ما الفرق بين فيزا الخصم المباشر والفيزا التى تصدر للموظفين لقبض رواتبهم ولماذا لا يتم التعامل بفيزا الرواتب على الانترنت خصما من حسابها
نظريا مفيش فرق بين الاتنين ، لكن فيزا المرتبات بتبقي غير مرتبطة بحساب كامل الصلاحيات في البنك وبعض الاحيان بالنسبة للشركات بتكون الفيزا مرتبطة بحساب الشركة ، نقطة الاستخدام علي النت حسب الفيزا والبنك نفسه هو اللي بيقرر فتح استخدامها علي النت ام لا
عموما لو كان فيه حساب في البنك سهل طلب فيزا خصم تعمل علي النت وبتتكلف في حدو 20 ل 40 جنيه حسب البنك
السلام عليكم لدي فيزا بنك مصر حصلت عليها من العمل(فيزا للمرتبات) هل لو تم تحويل اموال لي من الخارج الي بنك مصر يتم تحويلها الي الفيزا مباشرة ام لا??
وعليكم السلام ورحمه الله وبركاته
علي حسب لو فيه حساب بنكي باسمك في بنك مصر هيتم التحويل عليه والفيزا مرتبطه بالحساب دا يبقي اه هتلاقي الفلوس في الحساب مع العلم انه عند السحب بالفيزا داخل مصر بيكون بالجنيه المصري
اما لو مش فيه حساب في بنك مصر ومجرد الفيزا فيبقي لا ، لان فيزا المرتبات مش بيبقي ليها حساب بنكي بصلاحيات كامل وعموما اكدي المعلومة من البنك نفسه ممكن يكون الوضع اتغير
السلام عليكم أريد أن أعرف شئ بخصوص الفيزا أنا أشتريت شئ ٧٠$دولار واتخصم من حسابي في البنك الاهلي المصري ١٥٠٠ جينه مع العلم اني الموقع اللي أشتريت منه يخصم أي عمولة لماذا كل هذا الفرق
وعليكم السلام ورحمه الله وبركاته
اطلبي كشف حساب من بنك او من خلال خدمة العملا بالتليفون اعرفي هل تم خصم المبلغ كله دفعة واحده في العملية دي لصالح الموقع ؟ ولا ايه لانه فعلا مبلغ كبير مقارنة بال 70 % اقصي حاجة بعد عمولة البنك وتحويل الدولار مش هيزيد عن 800 جنيه
من فضلك هناك شخص حصل على بطاقة ائتمانية من بنك بالسعودية وقام بسحب الرصيد ورجع الى مصر وانتهت اقامته بالمملكه ولم يستطع سداد قيمة الفيزا فهل يستطيع الحصول على فيزا من اي بنك مصري ام ان الطلب سيتم رفضه نتيجة ان شركتي الفيزا او الماستر سترفض هذا الطلب
الافضل السؤال في السعودية لانه بيبقي علي حسب اجراءات البنك هناك غالبا بيبقي الحجز او منع الحصول علي فيزا او قرض داخل السعودية فقط من خلال القائمة السوداء
انا اسف اني بسال اسئلة غبية ^_^ بس انا لسة سني صغير شوية ومعنديش خبرة في حكاية البنك والحاجات دي عشان عمرها معدت عليا وانا في نفس الوقت قرات تعليق بتاع واحد من شوية وفهمت انه مينفعش اسحب فلوس بالدولار ؟؟ طب انا اعمل ايه بالضبط اروح انه بنك عشان اعمل فيزا او ماستر كارد وازاي اعمل حساب باي بال وهو هينفع هنا في مصر اسحب فلوس بالدولار . اصل حرام دول تقريبا داخلين علي ال 2000 دولار يعني عشرين الف مصري وانا تعبت في اني عملتهم بس الحمد لله الانجليزي فدني كتير لان رغم ان سني صغير الانجليزي دة عندي زي العربي و لو سمحت الرد واسف اني طولت عليك
اسفه علي التاخير في الرد ، اولا مفيش اسئلة غبية ولا حاجة كله للمعرفة وزيادة فايدة :))
ثانيا بالنسبة لسحب الفلوس زي ما قلت لو هتسحب بالفيزا من ماكينة السحب هيطلع بالجنيه مهما كان نوع الفيزا ، وكلامك صح حرام تحولهم بالجنيه خصوصا مع فرق السعر الكبير
بعض البنوك خاصة الاجنبية ممكن تفتح حساب بالدولار وتحول عليه ، مع العلم ان فتح حساب بالدولار هتحتاج بطاقة او يكون فيه وصي علي الحساب وايضا تودع مبلغ بالدولار لفتح الحساب حسب البنك
ممكن تجرب مع بنك CIB ، بس ما تفتح الحساب لازم تاكد مع الموظف انك عايز فيزا مرتبطة بالحساب وتقدر تسحب وتحول لها لان زي ما قولنا الموظفين بيستسهلو ويعملو اي فيزا وخلاص
وفيه طريقة تانية بدل موضوع البنك بالنسبة لباي بال وهو تحويل الفلوس عن طريق وسطاء موقع traidnt net في مصر بس عيبه فيه عموله عند التحويل حسب كل وسيط ، يارب اكون قدرتك افيدك واهلا بيك في اي سوال و ربنا يوفقك
لو سمحت هو اي بنك في مصر بيعملي فيزا كارد او ماستر كارد ؟ . وهو انا لو مثلا حبيت اشتري حاجة بالدولار من موقع مثلا لازم اكون حاطت فلوس في البنك بالدولار؟ . اصل انا بتعامل مع موقع امريكي وليا عندهم اكتر من الف دولار واكيد عايز اسحبهم ولازم طبعا عشان استلم الفلوس في كذا طريقة ومنها الفيزا او الماستر كارد عبر الانترنت يعني . فعشان كدة بستفسر عشان قبل ماروح افتح حساب عشان اشتري دولارات عشان انا هحتاجها عشان انا بتعامل مع مواقع امريكية فكل الشغل بيباة بالدولار فياريت لو مش كل البنوك تقولي ايه البنوك الللي اقدر اعمل فيها ماستر وفيزا كارد وياريت تقولي ازاي اعمل حساب باي بال
بالنسبة لطريقة عمل الفيزا او ماستر كارد انت ممكن تودع الفلوس بالجنيه المصري عادي ، وعند استخدامها علي النت البنك بيحول المبلغ مثلا من الدولار الي الجنيه المصري ويتم خصمه من المبلغ اللي في البطاقة ، يعني بالنسبة للشراء علي النت مش محتاج تعمل ايداع بالدولار في الفيزا ، هو عند استخدام الفيزا بيتم تحويل العمله حسب السعر الرسمي وقتها
اما بالنسبة لسحب الفلوس علي الباي بال ، هتلاقي فيديوهات كتير عن طريقة عمل حساب الباي بال وتفعيل الحساب باستخدام الفيزا كارد لاستلام الفلوس عليه مش هقدر اشرح هنا لانه موضوع مطول الافضل تشوف علي يوتيوب هتلاقي شروحات بطريقة افضل
البنك اللي بتعمل فيزا كارد بتقبل الايداع والسحب من الباي باي هي البنوك الاجنبية زي CIB وبنك كريدى اجريكول و بنك قطر QNB وممكن تطلب عمل حساب بالدولار تستقبل عليه الفلوس
هل لا يمكن تحويل أموال من حسابى فى البنك إلى اى شركة فى الخارج إلا بعد مرور 6اشهر من تاريخ فتح الحساب
اه دي قاعدة في البنوك من فترة لا يمكن التحويل من الحساب الا بعد مرور 6 اشهر ، ممن تجرب تسال في البنوك الاجنبية في مصر بس اعتقد ان الشرط دا مطبق علي جميع البنوك
لو سمحتي معايا فيزا ماستر كارد كنت حاطط فلوسي في بنك في ليبيا وانا جيت هنا عايز اسحبهم ارجوكي فيديني من اي بنك اسحب بالفيزا دي هل لها بنوك مخصوص والسحب بيكون ازاي
عامة طلما بطاقة فيزا او ماستر كارد ممكن تصرف من اي بنك او ماكينة سحب الي
بس علشان تقلل مصاريف السحب او عمولة السحب ، اصرف من البنك اللي اصدر لك الفيزا شوف لو له فرع في مصر ، لان لو صرفت من ماكينة بنك اخر بيتم حساب مصاريف سحب حسب كل بنك
او اصرف من البنوك الحكومية زي البنك الاهلي او بنك مصر بتكون المصاريف قليلة
لو سمحتى كنت عايز افتح حساب بأسمى ببطاقه فيزا اصرف منها واسحب اموال وف نفس الوقت اشترى بيها من على النت ياريت تساعدينى عشان انا لسه اول مره اعمل حساب فى بنك …وشكرا
ممكن زي ما وضحنا من خلال البنك الاهلي او بنك مصر بتعمل حساب بنكي عادي وبعدين بتطلب عمل فيزا وتاكد علي الموظف انها تشتغل علي النت
او من خلال البنك الاجنبية زي البنك التجاري الدولي او كريدي اجريكول او غيرهم دا لو انت محتاج ان الفيزا تقبل الايداع فيها علي النت
عامة الفرق بين البنوك بيكون في نقطة المبلغ اللي هيتم ايداعه عند فتح الحساب ، والحد الاقصي لبطاقة الفيزا او السحب الشهري ودا ممكن تراجعه علي الموقع الرسمي لكل بنك
لو سمحت انا كنت بشتري حاجه من موقع الكتروني اجنبي و عملت اكونت علي باي بال ولما بدخل بيانات الماستر كارد بتاعتي تبع البنك الاهلي المصري مابيقبلهاش
ممكن تقول الرسالة اللي بتظهرلك ايه بالضبط ؟
هو موقع باي بال كان بيرفض بطاقات الماستر كارد من مصر ، وبيقبل فيزا كارد بس كنت قريت انه خلاص بيقي يسمح بتسجيل بالماستر كمان
وبرضو اتاكد ان البطاقة فيها اكتر ما يساوي 1.5 يورو علي الاقل لان عن تسجيل البطاقات في باي بال بيخصم 1.5 يورو لحد تفعيل وتاكيد البطاقة بعدين بيرجعهم للبطاقة تاني
انا معايا فيزا ديبيت بتاعت بنك كيو ان بي مستلمها من الشركة
عايز اعرف ينفع احط فيها فلوس يعني اروح اي فرع للبنك واحط فلوس في رصيدي دة ارجو الرد
اه ممكن عن طريق البنك او من خلال ماكينات السحب الالي اللي بتقبل الايداع
شكراً
العفو واهلا بيك
لو سمحتو انا عايز اعرف ايه الفرق بين كارد الفيزا وكارد المستر كارد بالنسبه لما اسحب من السعوديه وانا حسابي في مصر
زي ما وضحنا في الموضوع مفيش فرق كبير بين الفيزا والماستر كارد الاتنين شركتين بيديرو نظام الدفع
الفارق بيكون نوع الكارد نفسه اما الكارد مسبق الدفع او الكريدت كارد ، لو مسبق الدفع مرتبط بحساب بنكي بيتم الخصم والسحب من الحساب مباشرة
اما لو كريدت كارد بمعني مدين بيتم الخصم وبيقي عليك دين للبنك ولو فيه تاخير بتسدده بفائدة
حاليا البنوك في مصر بتصدر النوعين فيزا او ماستر وفيه بطاقات كتير بتبقي حاملة العلامتين مع بعض زي ما قلت هم شركات وانظمة دفع
السلام عليكم
انا فتحت حساب بائع علي امازون وربطت الحساب بالحساب البنكي لبايونير بس امازون طلب تفعيل ببطاقة بنكية وهو لا يقبل البطاقات مسبقة الدفع في حساب البائع . في بطاقة بنكية في مصر يمكن ان تحل هذه المشكلة
وشكرا جزيلا
لو مش بيقبل بطاقة مسبقة الدفع يبقي تعمل كريدت كارد مرتبطة بحساب بنكي ، الافضل تعملها من اي بنك اجنبي زي CIB او بنك قطر او كريدي واكدت علي موظف خدمة العملا وقتها ان البطاقة تقبل استقبال الاموال عليها الكترونيا
اخى الكريم اتمنى الرد السريع …..انا عايز افتح حساب مطور لدى جوجل ومعايا بطاقة debit من البنك الاهلى فعلتها على النت بس للاسف موقع جوجل رفضها ولما اتصلت بخدمه عملاء البنك قالوا ان النوع دا من الفيزا بترفض الموقع دا لانه غير امن
فانا عايز اعمل ولو فيزا اخرى من اى بنك بحيث اقدر اعمل الحساب تنصحنى بأى البنوك اللى ممكن اعمل به فيزا وهل لو عملت فيزا نت من بنك كريدى اجريكول هتنفع معاى فى فتح حساب مطور ولا لا
اسف ع الاطالة
اسفة علي التاخير في الرد الموقع كان فيه مشكلة في التعليقات لسه ظاهر تعليقك حالا
المشكلة في البنوك المصرية الحكومية ان كتير من انواع الفيزا بتكون غير مفعلة لاستقبال الاموال علشان كدا بتحصل المشكلة لكن نقطة التامين دي واحدة في كل حته
عامة البنوك الاجنبية افضل في النقطة دي من بنوك مصر بس اكد علي خدمة العملاء سواء في بنك كريدي اجريكول او غيره ان الفيزا تكون مفعلة للاستقبال عليها من النت
فيه بنوك اخري ممكن زي ما قلنا قبل كدا بنك CIB وبنك قطر ، وبالتوفيق واسفة مرة اخري علي التاخير في الرد
شكراا جداا ليكي
تحياتي
العفو اهلا بيك وباذن الله نتمني لك كل خير
معلش حاجة تاني كنت بس عايز استفسر علي كلمة يعني اية مرتبطة بالحساب هل يعني الحساب يكون مربوط بحساب البنكي والا اية يرجي التوضيح
قصدي ان الكارت يكون مرتبط بالحساب البنكي اه سواء السحب او الايداع
السلام عليكم انا لسة جديد فى نظام visacard
انا كنت عايز اعمل visacard
انا هعملها انا شاء الله عشان هشتغل فى اليوتيوب بارتنرشيب لازم يكون عندي حساب فى الباي بال
تنصحيني بافضل بنك يطلع الفيزا بسرعا وكدا
وختار اني debit ولا credit علاما انا مش هستخدما الشراء من النت وكدة انا عملها بس عشان تتبعت لي الفلوس من برة مش اكثر يعني ولا عشتري حاجة من علي النت ولا شيئ استلم فلوسي من برة فقط هاذا ما كل فى الامر
ياريت تفهميني اكثر شكرا مقدما علاما انا مش طالب والا بشتغل انا عندي 19 سنة هل ينفع اعمل حساب فى البنك والا ايش اخوكي من مصر
وشكرا مقدما.
وعليكم السلام ورحمه الله وبركاته
عامة فيزا debit افضل لك سواء مسبقة الدفع او مرتبطة بحساب
اسهل فيزا في مصر حاليا هي فيزا البريد المصري “كل الناس” بتتعمل ب 30 جنيه وتقدر تستخدمها مع الباي بال سواء سحب عليها او استخدام في الشراء ، بس عيبها ان الحد الاقصي للايداع 5000 جنيه فقط
انت ممكن تفتح حساب بنكي عادي بس بيقي عليك وصي احد الوالدين
حاليا اللي الفيزا اللي بتتوافق مع باي بال وتقبل السحب عليها فيزا بنك قطر QNB ، او من النك التجاري الدولي CIB
شكرا جداا علي الرد
طب انا عايز افتح حساب بالدولار
تمام اروح بنك QNB واقلو عايز افتح حساب طب انا كنت عايز افتح حساب توفير هل فى مشكلة والا لازم افتح حساب جاري ياريت التوضيح النقطة دي انا زي ما قولتلك هفتح الحساب دولار وانا هستلم الفلوس من برة دولار طبعا مش هقدر اسحب الفلوس الدولار دي من مكينة ATm مفيش مكنة فى مصر بطلع عملا دولار صح كدة
لازم اروح البنك واستلم الدولار عادي مافيش مشاكل تمام كدة اصل انا سمعت كلام لو فتحت حساب بالدولار ما تقدر تعمل فيزا انا والله احترت يعني لو هعمل فيزا اعمل Debit Card تمام كدة ياريت تفيديني اكثر شكرا مقدما
وتسلمي علي الرد. حظا سعيدا
العفو واهلا بيك في اي سوال ، حسب علمي مفيش مشكلة في نوع الحساب سواء جاري او توفير لو هتعمل debit card بس برضو اكد مع خدمة العملا في البنك علشان ان عارف النظام في مصر
اه زي ما قلت لو هتستلم بالدولار يبقي الافضل تسحب من البنك نفسه ، لان لو سحبت بالفيزا هيطلع بالجنيه وهيبقي الدولار بالسعر الرسمي فالافضل تسحب من البنك بالدولار ، وزي ما قلتلك اكد مع خدمة العملا قبل ما تبدي في فتح الحساب او عمل الفيزا ونتمني لك كل خير وربنا يوفقك
استفسار هل لو سحبت نقدى من الماكينه كيف يتم احتساب الفايدة اعطينى مثال على مبلع
بتختلف من بنك لاخر الافضل تحديد اسم او نوع البطاقة ونقولك بالضبط
لكن عامة بالنسبة للكارت مسبق الدفع او الخصم المباشرة مش بيبقي عليه فائدة او نسبة خصم
اما بالنسبة لكروت الائتمان credit card مثلا البنك الاهلي وبنك مصر فيه فترة سماح 57 يوماً لبطاقات فيزا و ماستركارد بأنواعها ونسبة الفائدة في حدود 1.5 % ل 3 % حسب نوع الكارت ومبلغ الائتمان
عندما تسافر لاي بلد لازم تفعل بطاقه الماسترد كارد لتاريخ معين ولا مففتوح
لا مش لازم البماستر كارد الفيزا طلما تاريخ الانتهاء لسه مجاش ميعاده تبقي مستمرة وشغاله
عايز اعمل فيزا كارت علشان السحب والشراء
لازم افتح حساب بمبلغ معين ولا اي مبلغ
وايه الأفضل بنك مصر ولا البنك الأهلي
لو فيزا للنت فقط ممكن تعمل فيزا الانترنت من بنك مصر بحوالي 20 جنيه بس هي مش بتشتغل غير علي النت فقط
او فيزا البريد المصري ودي ممكن تستخدمها في السحب والشراء لكن الحد الاقصي 5000 جنيه
اما لو هتفتح حساب والفيزا تبقي مربوطة به الافضل في التعامل البنك الاهلي عن بنك مصر
لو سمحت انا عايز اعمل بطاقة اتمان بحيث من خلالها اقدر اشتري من المولات و اسدد الفواتير من الانترنت او اشتري من الانترنت و فنفس الوقت اسحب بيها من الصراف الالي .. حضرتك تنصحني ب ايه و لما انوي اعملها اقول ايه فالبنك .. و شكراا
ممكن تفتح حساب في احد البنوك وتعمل بطاقة تكون مرتبطة بالحساب بحيث انها تكون مسبقة الدفع prepaid وليس credit
وفتح الحساب سواء في البنك الاهلي او بنك مصر ، او لو بتفضل التعامل مع البنوك الخاصة يبقي بنك CIB او بنك قطر QNB
يعني حضرتك انا اتوجه للبنك و افتح حساب ب اي مبلغ ممكن و بعدين اعمل بطاقه و اطلب منهم انها تكون مرتبطه بالحساب بتاعي و فنفس الوقت تكون prepaid ؟
طب حضرتك انا لو عملت كده .. هل بعدين لو عايز اضيف ع حسابي هيبقى من خلال البنك ولا الصراف الالي ؟
هي طلما مرتبطة بالحساب دا طبيعي هتبقي prepaid بس برضو اكد عليهم انت عارف الموظفين في مصر ، المهم تاكد علي الموظف انها تشتغل عادي في عمليات الشراء وايضا علي النت وتقبل الشراء من المواقع او حسب احتياجاتك
بعد كدا ممكن الايداع سواء في البنك او من خلال ماكينات الصراف الالي عادي
كيفيه معرفه الرصيد عند نزوله الي البطاقه
معرفة رصيد البطاقة بتقبي حسب كل البنك ونوع البطاقة مثلا لو البطاقة مرتبطة بحساب بعض البنوك بتقدم خدمة رسائل الموبايل عند الايداع او السحب
او ممكن معرفة الرصيد عن طريق الاستعلام مباشرة من خدمة عملاء البنك بالتليفون ، مع العلم ان عملية الايداع ممكن تاخد 24 ساعة حتي يتم تاكيدها في السيستم
لو سمحت انا معاى فيزا كارت من البريد المصرى
ورحت ااحجز تذكرة من على النت قطر يعنى
قالى الفيزا دى متنفعش لازم يا ماستر كارد او فيزا كارت
فانا دلوقتى عاوز اعمل واحدة منهم عشان احجز بيها
فلو سمحت ايه الافضل والاسهل مع العلم انا مش عاوزيها الا للحجز فقط .
اللي اعرفه ان بطاقة الفيزا من البريد بشتغل عادي طلما لها رقم وعليها علامة Visa لو ممكن تقولنا ايه الرسالة او الكلام اللي ظهرلك
عموما ممكن تعمل فيزا الانترنت من بنك مصر بتبقي من غير حساب وبتشتغل عادي علي النت بس عيبها متقدرش تسحب منها من خلال ماكينات السحب الالي
او تعمل بطاقة الخصم المباشر من البنك الاهلي المصري بس لازم هتعمل حساب في البنك
أنا مسافر بره لو اشتريت اي حاجه بالدولار باستعمال Debit card، في اي عموله هاتنضاف؟ أنا عارف أن ال-credit cards فيها عمولة مشتريات
اه في عمولة استخدام او عمولة مشتريات بتبقي حسب البنك ما يحدد عادة بتبقي من 1 % ل 5 % ، مثلا في البنك الاهلي المصري هي 3.5 % من عملية السحب او الشراء
انا معايا ماستر كارت من البنك الاهلي انا عاوز اعرف لازم لما اسحب فلوس يكون من الصراف الالي بتاع البنك الاهلي و لا عادي من اي ماكينه atm و خلاص
هي هشتغل وتقدر تسحب من اي ماكينة لكن الافضل تسحب من ماكينة تبع البنك الاهلي او بنك مصر لو مش لاقي ، لان كل بنك له تعريفه سحب مختلفة ممكن توصل لحد 10 او 20 جنيه في المرة بالنسبة لماكينات سحب البنوك الخاصة
ينفع وانا مسافر استخدم كارت الفيزا في الشراء والسحب مع اني حسابي بالجنية المصري
ممكن اه لكن البنك المركزي والبنك الاهلي قللوا الحد الاقصي بقي 2000 دولار شهريا فقط ممكن تقرا المزيد هنــــا
طيب انا Web Developer جديد وناوي اشتغل كfreelancer ان شاء الله والمفروض هيكون تعاملي مع بنك الباي بال فمعظم تعاملي هيكون استلام اموال واكيد هيكون في شراء
ف في حالتي ايه احسن كارد؟
المشكلة في باي بال مصر هي عملية السحب
لو لسه في البداية ممكن تعمل بطاقة فيزا مسبقة الدفع من البريد المصري وتقدر تسحب بيها من الباي بال وماكينات الصرف مشكلتها ان الحد الاقصي ليها 5000 جنيه فقط ومدتها سنة واحدة بس
اما الافضل هي كارد فيزا كلاسيك وهي نوعها كريديت كارد صادرة من البنك التجارى الدولى CIB بس بيطلب منك انك تفتح حساب ب 5000 الاف جنيه عندهم
فيه بعض الشباب بيجرب موضوع بطاقات فيزا ديكسي او تعمل حساب بايونير بس دا حوار هندي
بالنسبة لسحب الاموال اللي بكسبها من موقع يوتيوب او اي ربح من النت هل بتكون فيزا معينة ولا ممكن الفيزا الخاصة بي اسحب بيها
اي نوع لكن المهم لازم تكون الفيزا مرتبطة بحساب في بنك بحيث يتم السحب والايداع فيها ، مش مجرد كارد فقط للنت ، واكد مع البنك انها تقبل التحويل من الخارج
ينفع استخدم الماستر كارد الخاص بمرتبي في الشراء قبل نزول المرتب وبعد كده يتخصم من المرتب في حدود فترة السماح الكارد تبع بنك مصر
بطاقات المرتب بتبقي debit card يعني لازم يبقي فيها فلوس علشان تقدر تستخدمها لو جربتها وهي فاضية مش هتم عمليه الشراء
فيه بطاقات تانية من بنك مصر تقدر تعملها وتستخدمها بالطريقة اللي قلت عليها بتبقي credit card
السلام عليكم
انا شاب مصري و كنت عايز ابدء في موضوع الربح من الانترنت
و لقيت موقع fivver وعرفت انه كويس …..بس عشان ابدء محتاج حساب بنكي و يكون مربوط بحساب في بنك الكتروني
زي paypal …..ف هل يشترط بنك معين ولا اي بنك عادي؟
و كمان لو اي بنك ايه احسن البنوك اللي ممكن اتعامل معاها؟وتكون سريعه و امينه؟……وهل الحساب لازم يكون ب الدولار؟……ولو امكن ممكن حضرتك تشرح اكتر لو فيه حاجه ناقصه؟
وشكرا جزيلا
وعليكم السلام ورحمه الله وبركاته
انا معنديش فكرة عن موقع fivver بالضبط لكن عامة اسرع بنك لعمل بطاقة ائتمان وتتربط بالباي بال يبقي بنك قطر الوطني QNB ، لان الباي بال مش بيرضي ببطاقة البنك الاهلي او بنك مصر حاليا
الافضل تعمل الحساب بالدولار لو هيبقي فيه استقبال وارسال عليه
ولو فيه اي سؤال اخر اهلا بيك
سلام عليكم
أخي أنا أريد فتح بطاقة إتمانية بحيث تعمل في كل بلدان
العالم
بماذا تنصحني أرجو رد وشكرا
وعليكم السلام ورحمه الله وبركاته
سواء فيزا او ماستر كارد الاتنين بيشتغلو في معظم بلدان العالم
المهم اجراءات استخراج الفيزا حسب البنك في بلدك لو حابب تقولنا بلدك ايه ونقولك اسهل البنوك في التعامل هناك
وايضا نقطة النظام اللي تريد استخدامه زي ما اوضحنا credit card او debit card وزي ماذكرنا debit او المسبق الدفع افضل
السلام عليكم ورحمه الله وبركاته
انا مسافر دبي ومعايا بطاقه ائتمانيه عاديه
ممكن اصرف كام يوميا
وعليكم السلام ورحمه الله وبركاته
ملهاش علاقة بالمكان لكن الحد الاقصي للسحب اليومي او الشهري بيكون علي حسب البنك اللي انت اصدرت منه البطاقة هو اللي بيكون واضع الحد الاقصي فالافضل الاستفسار منه مباشرة او قلنا اسم البنك ايه
السلام عليكم
صديق لى عامل بطاقة ائتمان من البنك الأهلى البنك بحط فيها 3000 جنية وهو بيستخدمهم زى ما هو عايز يعنى لو اشترا حاجة من مول بيدفع بيها بس بيسدد على 55 يوم وممكن يشترى بيها قسط لمدة 6 اشهر او 12 شهر بدون فائدة بس هو مبيسحبش نقدى لو سحب نقدى بيبقى فى فائدة انا عايز اعرف دى اسمها اية وكمان موجودة فى كل البنوك ولا لا وعايز اعرف لو حبيت اعملها اروح البنك اقولة اية وشكرا
وعليكم السلام ورحمه الله وبركاته
اسمها بطاقة الخصم المباشر من البنك الاهلي المصري او بطاقة التسوق وممكن تتعمل فيزا او ماستركارد بس غالبا بيعملوها فيزا
هتلاقي البطاقة او النظام موجود في كل البنوك بس بيبقي فروق في مدة سماح السداد و الحد الاقصي
هل يوجد رقم غير الرقم السرى يجب ادخالة قبل اتمام العملية لان الموظف قالى الفيزا اتفعلت ومع ذلك لا تعمل ارجو الافادة وشكراا
اه فيه كود cvv بيبقي موجود علي البطاقة عبارة عن 3 ارقام مكتوبين علي الفيزا او الماستر كارد ممكن تستعلم عن مكانهم من بنكك ، غالبا بيكونو اخر 3 ارقام في الرقم المسجل علي الفيزا
مع العلم لو انت في مصر اتاكد من البنك ان الفيزا بتشتغل علي النت ، لان بعض البنوك بتبقي مش مفعله البطاقة للعمل علي النت
طب انا عاوز اعمل بطاقه مصرفيه تمكني اني ادفع فواتير او اشتري من اي مول او تطبيقات من النت وتكون طبعا من غير فوائد واسحب بيها من اي مكان او اي محافظه واي بنك (بدل ما اشيل فلوس في جيبي ) انشالله ادفع فيها مسبقا واسحب منه وقت الحاجه بس غير debit card (او غير انه يسحب من حسابي اللي عنده في البنك )
يبقي اعمل اي بطاقه ؟؟؟؟؟؟
ابحث عن البنوك اللي بتقدم بطاقة prepaid اللي هي الدفع مسبقا وتودع فيها وبعدي تسحب عادي سواء علي النت او المحلات وماكينات الصرف وبتكون فيزا او ماستر كارد حسب البنك ، لو انت في مصر فيه بنك مصر بيقدم بطاقة فيزا انترنت بالمواصفات دي بس بتشتغل علي النت فقط ، فيه بنك قطر QNB بيقدم بطاقة prepaid بس مش متذكر الشروط بالضبط ممكن تشوف علي موقعهم
البنك الاهلي مفيش حاليا مسبقة الدفع ممكن تعمل حساب وتسحب منه بواسطة فيزا كارد
السلام عليكم من فضلك عايز اعرف العموله اللى بياخدها البنك على السحب فى بطاقات الدين اوcrdet card وعايز اعرف انوعها والافضل للاستخدام
العمولة او النسبة متغيرة من بنك لاخر فالافضل تسال في البنك اللي هتعمل فيه بطاقة الفيزا مباشرة
وزي ما قولنا ال credit card ليها انواع كتير بتبقي علي حسب كل بنك وحسب الحد الاقصي اليومي والشهري للسحب منها
عموما لو انت في مصر الافضل في التعامل بالترتيب ، البنك الاهلي ، بنك قطر QIB ، البنك العربي الافريقي الدولي وهتلاقي في كل بنك في موقعه الرسمي شرح لمزايا البطاقات اللي بيصدرها
تسلم
العفو اهلا بيك